दाङमा विश्व ३० औं मूलवासी दिवस मनाइयो

मंगोल नेशनल अर्गनाइजेसन जिल्लाका अध्यक्ष राज बहादुर घर्ती मगरको अध्यक्षतामा केन्द्रिय सभाका सदस्य शिवबहादुर गुरुङको प्रमुख आतिथ्यमा भएको कार्यक्रमका प्रमुख अतिथि गुरुङले नेपालको बहुसंख्यक मूलवासी मंगोल समुदाय अचेतन भएर बाँचिरहदा यो देशका शासकहरुको टाउको दुखाइ थिएन। डा. गोपाल गुरुङले लिएको विचार, सिद्धान्त सोचसहितको अभियान चेतनाले यो देशका शासकहरुको यतिखेर टाउको दुखाइ भएको छ। मूलवासी मंगोलहरुलाई अगाडि नबढ्न दिन राज्य शक्ति संचालनमा पुग्न रोक लगाउन विभिन्न कोणबाट षडयन्त्र भएको भन्नु भयो। मूलवासीको गुमेको सत्ता फिर्ता ल्याउने समेत उद्घोष गर्नुभयो।

विशिष्ट अतिथि मंगोल अर्गनाइजेसन केन्द्रिय सभा सदस्य घनश्याम चौधरीले मंगोललाई सिध्याउछु भन्नेहरु आफै सकिने चेतावनी दिनुभयो साथै आदिवासी जनजाति दलित भन्ने शब्द आफैमा अजायज छ। हामी मूलवासी हौं भन्नुभयो। केन्द्रिय प्रकाशन विभागका कल्पना चौधरी,लुम्बिनी प्रदेश सदस्य चन्द्रबहादुर गुरुङ,लगायतले बोल्नु भएको थियो।